Quando colore e poesia si intrecciano
Lu cuntu 'un porta tempu
IDDA
​
Mentri caminava a 'da ura
i me occhi s'arristaru supra na fiura,
era bedda comu lu suli e li stiddi
cu l'occhi ranni e di smiraldu virdi.
Ci spiai: " Ma cu si"?
M'arrispunniu: "Sugnu Idda"
"Sugnu Idda,
chidda ca dormi sutta na cuperta ianca,
c'ammutta lu semi, ca non si stanca.
Sugnu Idda,
chidda ca vesti di milli culuri
d'aceddu i muntagna a lu pisci intra o mari.
Sugnu Idda,
chidda c'afferra di lu suli u raggiu
e lu porta rittu 'nfrunti cu curaggiu.
Sugnu Idda,
chidda ca sciuscia e lu vecchiu fa cascari,
fogghi e rami p'addevi cuariari.
L'acqua ca scinni e u focu ca 'nchiana
girannu 'ntunnu pi nun toccu di campana.
Teniti prontu cu cori leggiu,
taliati attornu, c'è sempri peggiu.
Vaddimi ca mi canusci bonu
appoia aricchi...
u senti stu sonu?
​
​